Тыдзень роднай мовы. Экскурсія ў "Сялянскую хату"
Дзень роднай мовы ў выхаванцаў старэйшай групы №1 дзяржаўнай установы адукацыі “Лельчыцкі дзіцячы сад №4” прайшоў з мэтай выхавання ў іх нацыянальнай годнасці, фарміравання патрыятычных пачуццяў, азнаямлення з культурай і побытам беларускага сялянства. Дзеці наведалі “Сялянскую хатку”, якая знаходзіцца ў ДУА “Лельчыцкая сярэдняя школа №1” і даведаліся шмат чаго цікавага, напрыклад, што такое калаўрот, для чаго ён быў патрэбны. Убачылі, які быў раней посуд у нашых продкаў, таксама выхаванцы разгледзелі печ. Калі яны даведаліся, што ў печы людзі раней гатавалі ежу, то былі вельмі ўражаны. Некаторыя словы яны чулі ўпершыню. Усе дзеці былі зацікаўлены кутком, яны задавалі пытанні і абавязкова атрымлівалі на іх адказы. Экскурсія ўсім вельмі спадабалася.
