Тэматычныя заняткі "Гучы, родная мова!"
Родная мова – гэта першая крыніца, праз якую мы пазнаем жыццё і акаляючы нас свет. Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе. Родная мова шмат не патрабуе. Хоць адзін дзень або некалькі хвілін паразмаўляйце на ёй, адчуйце асалоду ад родных слоў…
У кожнай групе з выхаванцамі прайшлі тэматычныя заняткі на тэму "Гучы, родная мова!". Дзеці актыўна гулялі ў беларускія гульні, спявалі калыханкі, ігралі на музычных інструментах, віртуальна пабывалі ў Белавежскай пушчы, вучыліся называць прадметы на роднай мове, выкарыстоўваць ветлівыя словы ў паўсядзённасці і шмат іншага.
Праведзеныя заняткі дазволілі ўсім яшчэ бліжэй пазнаёміцца з роднай мовай, з традыцыямі беларусаў, даведацца шмат цікавага і непаўторнага.
